«Maxim»-ը չեղարկել է տաքսի ծառայության վճարովի սպասումը ավիաչվերթների և այլ միջքաղաքային տրանսպորտի ուշացման դեպքում

«Maxim»-ը չեղարկել է տաքսի ծառայության վճարովի սպասումը ավիաչվերթների և այլ միջքաղաքային տրանսպորտի ուշացման դեպքում

August 14, 2019

Պայմանը գործում է այն օգտատերերի համար, ովքեր մեքենան պատվիրել են դեպի օդանավակայան կամ կայարան որոշակի ժամանակով և նշել են իրենց չվերթի համարը:

Օդանավակայանները և կայարանները տաքսիով ուղևորությունների ամենատարածված վայրերից են: Պատվերների մասնաբաժինը, որտեղ նրանք հանդիպում են որպես նախնական կամ վերջնական հասցե, կազմում է մոտ 5%: Այդ ուղևորությունների առանձնահատկությունն այն է, որ լինում են երկարատև սպասումներ՝ կապված չվերթի ժամանակացույցի փոփոխության հետ: Այդ պատճառով ուղևորները, որոնք նախնական պատվեր են ստեղծել ճշգրիտ ժամի համար, ստիպված են եղել ավել վճարել, իսկ վարորդները, որոնք չէին կարող սպասել, կորցրել են վարկանիշի միավորները ուղևորության չեղարկման համար:

Այժմ ուղևորները չեն վճարի այն սպասման համար, որը կախված չէ իրենցից: Վարորդները կարող են առցանց տախտակի վրա կամ տեղեկատու ծառայությունից տեղեկանալ, թե թռիչքը երբ կժամանի, և ընտրել՝ սպասել ուղևորին կամ չեղարկել պատվերին իր նշանակումը՝ առանց վարկանիշի նվազեցման: Չեղարկման դեպքում ուղևորն առանց մեքենայի չի մնա, պատվերը կարող է վերցնել մեկ այլ վարորդ։

Ուղևորը կարող է գրել չվերթի համարը «Maxim» տաքսու պատվերի հավելվածում կամ կայքում: Եթե նախնական հասցեն օդանավակայանն է, երկաթուղային, ավտոբուսի կամ գետի կայարանը, պատվերի ցանկությունների մեջ կհայտնվի համապատասխան տող: Հեռախոսով պատվիրելու դեպքում անհրաժեշտ է տեղեկացնել օպերատորին:

Եթե չվերթը եկել է ըստ ժամանակացույցի, եւ ուղևորը հաստատել է, որ դուրս է գալիս, սպասումը կհաշվարկվի սովորական սակագնով. 5 րոպե անվճար, ապա՝ ըստ րոպեների։ Թռիչքի ուշացման դեպքում սպասման հաշվարկը կսկսվի, երբ ուղևորը կհայտնի ժամանման մասին: