«Մաքսիմ»-ը ներդրել է սակագներ հեռահար գնումների և առաքման համար
Այժմ սերվիսից օգտվողները կկարողանան պատվիրել սուրհանդակային առաքում, ինչպես նաև վարորդներին խնդրել գնել և բերել անհրաժեշտ իրերը: Կորոնավիրուսի համաճարակի պայմաններում սպասվում է, որ սակագները առավել արդիական կլինեն։
«Սուրհանդակ» և «Կգնենք և կտեղափոխենք» սակագները գործում են Հայաստանի այն բոլոր քաղաքներում, որտեղ սերվիսն աշխատում է, Երևանում և Գյումրիում։ Գնի առումով «Սուրհանդակ» սակագինը համապատասխանում է «Էկոնոմ» սակագնին և ենթադրում է առաքում մինչև մուտքի մոտ։ Պատվերի ցանկություններում կարելի է խնդրել դռնից դուռ առաքում՝ հավելյալ վճարելով 300 դրամ: Մեկնաբանություններում օգտվողները նշում են լրացուցիչ տեղեկություններ, օրինակ, թե ինչ է անհրաժեշտ առաքել:
«Կգնենք և կտեղափոխենք» սակագինը «Էկոնոմ» սակագնից թանկ է 300 դրամով՝ սա հավելավճար է գնման հավելյալ ծառայության համար։ Մեկնաբանություններում պետք է գրել ապրանքների ցանկը և դրանք գնելու համար վարորդին գումար տրամադրել բանկային փոխանցման միջոցով: Գնումներից հետո վարորդը կներկայացնի կտրոնը։
- Հիմա վարորդների հետ մարդիկ ուղարկում են ծանրոցներ, անձնական իրեր, խնդրում են սրճարանից ուտելիք վերցնել: Ամենատարածված գնումները սննդամթերքն է, ռանց դեղատոմսի դեղատնային ապրանքները, առաջին անհրաժեշտության ցանկացած ապրանք: Հետագայում, երբ համաճարակաբանական իրավիճակը կկայունանա, սակագները կմնան։ Մենք ակնկալում ենք, որ դրանք պահանջված կլինեն՝ անկախ կարանտինից, – ասում է Գյումրիում «Մաքսիմ» սերվիսի ղեկավար Գնել Դանիելյանը։
Նոր սակագներով պատվերները կարելի է ձևակերպել ոչ միայն ինքդ քեզ համար, այլ նաև այլ մարդկանց համար։ Դրա համար պատվերի հետ կապված ցանկություններում պետք է նշել այդ մարդու հեռախոսը, որպեսզի նա կարողանա շփվել վարորդի հետ և ստանալ ծանուցումներ. Տարբերակը օգտակար է, օրինակ, եթե պետք է հոգ տանել հարազատների համար և նրանց համար տեղափոխել անհրաժեշտ իրեր կամ անակնկալ մատուցել ընկերներին։
Նշենք, որ համաճարակի պայմաններում վարորդները պահպանում են ԱՀԿ-ի կողմից առաջարկված կանխարգելման միջոցները։