Maxim, nakuha ang status na Transport Network Company, puwede na ngayong maghatid ng mga pasahero

Nakakuha na ang Maxim, isa sa pinakamalalaking network company sa Pilipinas, ng Certificate of Accreditation bilang Transport Network Company mula sa Department of Transportation at sa Land Transportation Franchising and Regulatory Board (LTFRB). Iniaanusyo ngayon ng kumpanya ang paglulunsad ng car-hailing service nito.

Nagsimulang tumakbo ang kumpanya sa Pilipinas noong 2020. Pangunahin itong nakatuon noon sa paghahatid ng pagkain, mga dokumento, at iba pang mga bagay. Ngayon, may kakayahan na ang kumpanya na gawing mas madali para sa mga naninirahan sa bansa na makarating sa kung saan nila kailangang pumunta at mabigyang-daan ang mga driver na kumita sa pamamagitan ng pakikipagtulungan sa kanila.

“Tiyak akong dahil sa status ng Maxim bilang TNC, mas makukuha na nito ang tiwala ng gobyerno at ng komunidad. Sa pagbibigay sa aming mga driver ng masusing pagsasanay at pagsasagawa ng mga espesyal na workshop at seminar, higit naming matitiyak ang mas ligtas na biyahe para sa aming mga kliyente. Plano naming mas palawakin pa ang hanay ng mga serbisyo na iniaalok namin at ilunsad ang Maxim sa iba pang mga lungsod sa Pilipinas,” pahayag ni Christopher Landong Poliran, head ng Maxim office sa Cebu.

Kasalukuyang available ang mga taxi ride sa anim na lungsod: Cebu, Manila, Butuan, Bacolod, Iloilo, at Cagayan de Oro. Tumatakbo ang kumpanya sa 18 lungsod sa kabuuan. Puwedeng mag-order ang mga lokal na residente ng mga serbisyo sa pamimili at paghahatid, mga serbisyo sa transportasyon, at mabilis na pagpapalaba at pagpapatuyo ng damit na may kasamang paghahatid.

“Magbibigay-serbisyo ang Maxim sa masang Pilipino sa pamamagitan ng pag-aalok ng mga biyahe sa abot-kayang presyo. Layunin naming gawing available sa mas malawak na bahagi ng populasyon ang aming mga serbisyo at bigyang-daan ang mga driver na kumita nang mas malaki dahil sa popularidad ng service at sa mataas na bilang ng mga available na order,” dagdag pa ni Christopher Landong Poliran, head ng Maxim office sa Cebu.

Puwede kang mag-order sa Maxim app na mada-download mula sa App Store, Google Play, AppGallery, Galaxy Store, at GetApps o sa https://taximaxim.com.