Namigay ang Maxim Rides & Food Delivery ng meals sa mga bata sa barangay ng Pampanga

Namigay ang Maxim Rides & Food Delivery ng mga hot meal, beverage at mga school supply para sa 70 bata sa Barangay Santa Cruz, Porac, Pampanga. Bukod pa sa treats, itinampok din sa event ang mga interactive game na may mga papremyo para sa mga bata, kaya nagkaroon ng masaya at nakakengganyong sitwasyon.

"Taos-puso kaming nagpapasalamat para sa pagkakataong ito na matulungan ang mga pamilya at mga bata sa ating komunidad. Ang edukasyon at kapakanan ng mga bata ay ang pundasyon ng ating hinaharap, at masaya kaming makatulong," sabi ni Jeniel Feliciano, head ng Maxim Angeles.

Nakatanggap ang event na ito ng mainit na pagtanggap mula sa komunidad. Pinasalamatan ang pagsisikap hindi lamang ng mga bata at kanilang magulang, kundi pati na rin ng mga guro, social worker, at mga awtoridad ng barangay. Upang kilalanin ang mga pagsisikap ng kompanya, binigyan ng mga opisyales ng Santa Cruz ang Maxim ng isang Certificate of Appreciation.

Ang inisyatibong ito ay bahagi ng social mission ng kompanya para suportahan ang pag-unlad ng lokal na komunidad at tulungan ang pinakamahihirap na bahagi ng populasyon. Nagsagawa rin ang Maxim na mga katulad na aktibidad sa maraming ibang siyudad kung saan ito nag-o-operate. Halimbawa, namahagi kamakailan ang kompanya ng pagkain sa mga matatanda sa Cebu at nagbigay sa mga kindergarten student sa Koranadal ng mga una nilang gamit sa pag-aaral bago magsimula ang bagong school year.